>فنون نق النساء... من الألف الى الياء ...
>
>الألف : أريد فلوس أريد أروح معزومة
>الباء : باجر لازم توصلني لبيت أهلي عندهم حفلة
>التاء : ترى اليوم انا ممسوية عشة جيب وياك أكل جاهز
>الثاء : ثلاث أسابيع ما طلعنا تمشينا يالله اليوم اعمل حسابك تطلعنة
>الجيم:جيرانا ركبوا اليوم دش معقول احنه ما عدنة واحد
>
>الحاء: حبيبي..أريد اغير ساعتي ,مليت من ساعتي الاوميغا
>الخاء : خبر الشله اليوم انت متروح عليهم ..انا عازمتك نتعشى بره, بس على
>حسابك
>الدال : دور لنا على فيلا على 3 شوارع شنو يعني بيت أخوك أحسن منا
>الذال : ذيج السنة (قبل 10 سنوات) قلت لك اشتريلنه سيارة و انت غلست
>الراء : روح قدم على إجازة و خلينة نسافر على البحر ,,اووف حر
>الزاء : زيد مصروف البيت يعني يا دوب يكفي
>السين:سجاد البيت صار قديم....غيره يا أخي (السجاد ما كمل سنتين )
>الشين : شيل الولد شنو متشوفة كاعد يبجي ,انا تعبت من الأولاد
>الصاد : صفط ملابسك مكانهم,مليت واني ارتب وراك
>الضاد : ضاع عمري و انا بتعب معك ليش شفت منك يوم خير
>الطاء : طلع الملابس وشرهن حتى ميروح علي المسلسل
>الظاء:ظاهرتك انك ما تحبنى.. في مرة طلبت منك طلب و لبيتلي ياه
>العين:عيوني..اليوم حجت اختك وياية على التلفون يا ربي على هاالنفسية
>التعبانة
>الغين :غير يا أخي ها المواضيع حسسني انت تحبني شوية
>الفاء : فهمت عليك ما تكمل ( تقطعلة كلامه حتى تحجي شغلة براسها)
>القاف : قدر يا أخي شوية...كل شغل البيت على راسي...
>الكاف :كم مرة قلت لك أمك متحبني
>
>اللام : ليش اهلك عزموا بيت أخوك وما عزمونا ؟؟
>الميم: معقول البس نفس الفستان على الحفلتين
>النون : نسيت انو باجر عيد ميلاد بنت أختي
>الهاء :ها ..ترى أروح لبيت الى! إذا رح تبقى هيج
>الواو : ولدت أختي شنو نهديهم
>الياء : يالله ايدك على25000 دينار حلاوة الصلحة..لأنك زعلتني وكسرت خاطري
>